Cricket ka Unmaad

Cricket ka unmad

Hum bhartiye aise hi hain, yahan cricket ka unmad hai ufan par;

Sabhi visheshagya hain yahan, sab ki tippani aati hai match ke parinaam par;

Bharat ne toss jita, batting di Sri Lanka ko,

Kisi ne kaha, Bharat match haar gaya samjho,

Match ka aghaj hua nahi, inhe pata hai kya hona hai anzaam par;

Hum bhartiya aise hi hain, yahan cricket ka unmad hai ufan par;

Twenty-20 ka ye match bada romanchak hai,

Yahan Chauke Chhake aur Ranon ki barish shuru se anth tak hai;

Yahan havi hai kabhi Bharat to kabhi Sri Lanka,

Har dusre over me bajta hai dusri team ka dannka;

Bharat wahin match haar gaya jab rok naa laga saka Sangakara ke ranon ke tufan par;

Hum bhartiya aise hi hain, yahan cricket ka unmad hai ufan par;

Sabhi kahte hain bhartiye bas kagaj k sher hain, Dhoni toh bas bhagya bharose jitata hai,

Gaali sabhi dete hain iss team ko, par har macth har koi jaroor dekhta hai;

Poore 29 ranon se ye twenty-20 match haar gaya Bharat,

Ab toh jaise sare khiladiyon ki aa gayi shamat;

Bharat pahle twenty-20 match me passt- Surkhiyan thi akhbaron me

Ungliyan uthin Nehra, Prgyan aur Yushuf pathan par;

Hum bhartiya aise hi hain, yahan cricket ka unmad hai ufan par;

Hum aise hi hain aur aise hi rahenge,

Har match dekhenge har match me gali denge,

Magar nirash na honge ashavadi hain hum,

Agla match phir naa dekha toh lanat hai hamre naam par,

Hum bhartiya aise hi hain, yahan cricket ka unmad hai ufan par